E presentador di television, Ellen DeGeneres, a anuncia awe a traves di su rednan social cu el a sali positivo di e test di Covid-19. E comediante di 62 aña cu tabata memey di acusacionnan toxico na luga di trabou e aña aki, a emiti un declaracion cortico na su fans informando cu e ta contagia cu coronavirus.
El a sigura su siguidonan cu e ta siguiendo tur e protocolnan imponi pa e autoridadnan sanitario. El a skirbi tambe cu tur esunnan cu tabata cerca di dje, a wordo notifica y e lo wak tur hende bek despues di vakantie. El a añadi tambe pa tur hende mantene nan mes saludabel y sigur. Apesar cu e tin Covid-19 e ta sinti su mes bon na e momentonan aki.
