Lady Gaga lo canta e himno nacional na e inauguracion di Joe Biden, mientras cu Demi Lovato, Jennifer Lopez y mas artista ta cla pa nan presentacion. E Presidente electo, Joe Biden, y e Vice Presidente electo, Kamala Harris, ta cla pa pronto asumi nan cargo, y pa e inauguracion lo ta presente e nombernan mas respeta den entretenimento. E ganador di e premio di e Academia, Tom Hanks, a ser anuncia como e presentador den un special di 90 minuut, Celebrating America, cual lo ser transmiti despues cu e duo asumi nan cargo di presidente di Merca dia 20 di januari.
Lady Gaga, Jennifer Lopez, Demi Lovato, Justin Timberlake, Jon Bon Jovi y Ant Clemons tambe lo presenta durante e programa cu ta mustra e resiliencia, e heroismo y e compromiso cu ta unifica e pueblo di Merca pa uni como un nacion pa restora y reconstrui. E Comite Inaugural oficial di Biden a post riba Twitter awe: “E alineacion di e ceremonia #InaugurationDay ta aki!”, revelando cu Lady Gaga lo canta e himno nacional mientras cu JLo lo subi e escenario pa un actuacion musical.
