E strea di e serie di Bay watch Pamela Anderson di 53 aña, a rindi homenahe na su personahe iconico di television, ora cu el a bishita un santuario di animal na e isla di Vancouver. E actriz naci na Canada tabatin bisti un ‘cropped hoodie’ cora cu tin skirbi riba dje ‘Earth Guard’. Pamela ta conoci pa su rol riba pantaya di television durante e añanan ‘90, tambe e ta un activista cu ta defende e animalnan y e ta promove diet vegano.
E actriz di Mamma Mia, Lily James (31), lo bay tin e personahe di Pamela den e serie Hulu, Pam & Tommy, riba e bida di e modelo di Playboy y su romance cu su ex-casa Tommy Lee (58). E actor Sebastian Stan (38), lo protagonisa hunto cu Lily e rol di Tommy Lee den un show di ocho episodio. E serie asina spera ta bay conta e storia di e relacion cu a capta titularnan di Pamela y Tommy den 1990. E fanaticonan di Pamela di hopi aña lo corda e lek di su video priva di e luna de miel despues di nan matrimonio turbulento (nan casa despues di 9 dia di noviazgo) y e bataya legal cu a sigui. Pamela y Tommy, nan yiu homber Brandon di 24 aña, no ta involucra den e serie, pero supuestamente si sa di e produccion.
