Pa hopi hende, Jessica Alba ta conoci como actriz cu a converti den un empresario. Pero pa su yiunan, ta un storia diferente. Durante un entrevista den The Ellen DeGeneres Show, Jessica Alba a bisa cu su yiu muhe, Honor, no tabata sa cu e tin un mama famoso te ora cu un mucha e revela e noticia tempo cu e tabata den su prome aña na scol. Y Honor no tabatin un reaccion positivo. Honor tin awor 12 aña, y e tabatin tempo pa adapta su mes. Pero toch ta parce cu e yiu mayor di Alba a shock ora el a haya sa di e informacion crucial aki di su mama.
“Nan no tabata sa – na comienso di nan bida – cu mi tabata un actriz.” Alba a conta e presentador invita, Stephen “tWitch” Boss. Alba a sigui actua, pero el a tuma un stap atras pa lansa The Honest Company, un linea di producto pa cas, baby y beyesa na 2011. “Mi ta corda cu tempo cu Honor tabata den eerste klas, e tabata sintie disgusta . El a yega cas y el a bisa: Pakico bo no a bisa mi?”, Alba a continua bisando: “Pasobra e tabata sa cu mi tabata traha na The Honest Company. Esey ta loke nan tabata sa di mi.”
Jessica Alba a splica cu un amiga di Honor a trece un revista scol cu su mama riba e portada y el a pone den un situacion cayente. Alba a bisa cu su yiu muhe a puntr’e: “Pakico bo ta riba e revista aki? Kico ta pasando aki?” E mama di 39 aña a bisa cu su yiu a sinti’e asina traiciona, cu el a bis’e: “Nunca bo no a bisa mi cu bo lo ta den supermercado of den Target.” Ademas di Honor, Alba tin otro yiu muher, Haven, di nuebe aña, y un yiu homber di 3 aña, Hayes, cu su casa Cash Warren. Segun Alba, su yiu muhenan a bise cu e mester uza #cringeymom, y el a haye asina ‘mean’, paso tin mucho mas mama pio cu ne.
