Hopi biaha, e alimentonan cu nos ta come tin relacion directamente den nos manera di haci e cosnan y den preveni cierto enfermedad. Pero nos no ta referi solamente na esunnan cu ta afecta e nivelnan fisico di nos organismo, sino tambe e celebro. E estudionan a demostra cu ingestion di diverso alimento por mehora y stimula memoria.
Pisca ta beneficioso pa celebro. Esaki ta nutri pa un bon parti di vitamina y mineral, ademas di acido vet Omega 3. Salmou, tuna y bacalou ta sumamente recomendabel pa tin mas memoria y siña di un manera mas rapido. E ta bon hasta pa mucha, cu mester di un agilidad mental den dia y p’esey por come pisca 3 biaha pa siman. E falta di e acidonan Omega 3 aki, por provoca un reduccion di serotonina, un hormoon cu ta segrega subtancia cu ta haci nos sinti mas feliz.
Fruta seco ta aporta e nutrientenan necesario cu e celebro ta pidi pa su desaroyo corecto. Nan ta contene vitamina B y E y un bon parti di Omega 3. Nan ta rico den fibra, hero, fosforo, calcio y zinc. E mihonan entre e frutanan seco ta; noots y almendra, pero tambe por come e otronan, semper na midi y sin salo!
A comproba cu appel ta posee ‘quercetina’, cu ta un substancia cu ta protega e celebro di e radicalnan liber, ademas ta aporta otro bentaha pa e organismo di forma general. Ademas di appel, e frutanan cora ta rico y excelente amigo di memoria. Nan propiedadnan ta haci, cu ta para e embehecimento celular y consecuentemente falta di memoria.
