Un di e campañanan di Delany Zi-Ann Wever durante di Youth Queen di Carnaval tabata #HELLODELLO, esaki tabata un branding cu a crece spontaneamente. HELLO ta un palabra reconoci mundialmente manera e apertura di un saludo cordial, y Dello ta su nomber di cariño, kiermen si uni nan dos ta describi en corto ken e ta, semper amabel y cla pa brinda su apoyo. P’esey tambe e nomber di e campaña ta HELLOBOX. Esaki semper Dello tabata desea di haci, un campaña cu ta brinda ayudo na mas di un organisacion of persona, pues cu por brinda e apoyo na un cantidad mas halto di persona den nos comunidad, cu ta den necesidad. Door di tur e situacion di Covid-19 na Aruba, esaki a pone cu e no por ehecuta e campaña aki, pero toch el a logra di traha cuminda, cupcake y bolo, bende esakinan y asina a yuda hopi mama soltera cu ta den necesidad. Cu loke e tabata bende, el a logra haci compra pa percura cu nan por tin cuminda na cas.
Awor cu Dello ta Teen Universe Aruba 2021, esaki ta dune e espacio y oportunidad pa haci esaki den un otro forma. HELLOBOX ta encera cu su team hunto cu ne, lo prepara cuminda tur diadomingo den e luna di februari y entrega esaki na RodeKruis. E cumindanan aki RodeKruis lo entrega na e famianan den necesidad. Nan lo bende 3 diferente pakete na e companianan chikito of grandi, cu ta desea di aporta na e campaña aki. Pakete 1 ta 10 cuminda na balor di AWG 150, Pakete 2 ta 25 cuminda na balor di AWG 312.50 y Pakete 3 ta 50 cuminda na balor di AWG 500 florin. E mealbox ta encera, aros of pasta, galiña of spareribs, berdura of salada. Fundacion Ban Uni Man pa Cria nos Muchanan, lo ricibi un donacion monetario na final di e campaña.
E meta principal ta pa yuda esunnan den mas necesidad y tambe un organisacion chikito cu ta creciendo y cu mester apoyo, pero alabes e ta duna Dello e experencia di por ehecuta un proyecto y asina e por siña y desaroya den area di “event management, communication y marketing”. Tur esakinan lo yud’e pa por representa Aruba dignamente na e certamen di Teen Universe na Nicaragua,
