E di dos edicion di FOCUS Digital di e aña aki ya por download gratis y asina disfruta di e revista mas gusta tanto pa su contenido como su estilo innovativo. E luna di februari tin dos portada, uno cu Jeon cu a caba di cumpli 30 aña y ta conta di e biahe musical for di Biggy pa e evolucion pa Jeon. E decision pa haci un cambio grandi cu su nomber artistico na 2011. Awo cu su 30 e lo por disfruta di e oportunidad pa sigui crea mas y sigui crece mas den su carera musical.
E luna di Amor tin un highlight importante den e revista di februari, cu e pactonan di amor celebra den 2020. E di dos portada ta cu Noritza Perez y Rothmar Coenraad, cu ta conta cu e dia cu nan a casa tabata asina special pa nan, cu cada bes nan ta wak e potretnan y corda riba e dia aki, cada bes nan ta desea, cu nan por ripiti e dia aki. Den e revista por haya tur e detayenan di e matrimonionan mas esplendido di 2020 y cada un cu nan bunita storia di amor: Anky & Arnaldo, Stacey & Roddery y Sharon & Jan. Un reportahe fotografico impactante di e fotografonan talentoso y profesional di Aruba.
Nos lo sigui elabora durante e siman aki riba e contenido di FOCUS Digital di februari, cu ta un experencia unico pa ‘browse’ y lesa e revista, cu tin su contenido di calidad manera semper. FOCUS Digital ta acesibel via Apple Store of Android Google Play Store, cu por download e aplicacion aki riba un smartphone of tablet.
