Hunto cu e noticia cu e Duke y Dukesa di Sussex ta spera nan di dos yiu, nan a comparti un potret romantico den blanco y preto. E potret cu a ser saca cu un iPad pa nan amigo y fotografo, Misan Harriman, e pareha ta brasa otro mientras cu nan ta disfruta un momento priva den naturalesa. Mientras Harry ta mira Meghan cu un gran sonrisa, e tin su cabes poni riba e scochi di su casa y ta carica su ‘baby bump’ cu ta creciendo. Pa e photo shoot e futuro mama di dos yiu a bisti un shimis largo di Carolina Herrera, cu a ser traha pa e dukesa tempo cu e tabata na estado di su yiu Archie, cu lo cumpli 2 aña dia 6 di mei. Meghan tin un amistad di hopi aña cu e director creativo di e marca, Wes Gordon.
E feliz noticia, cu nan a comparti riba Valentine’s Day, ta yega despues cu Meghan cu tin actualmente 39 aña, a revela cu el a sufri un aborto espontaneo na juli ultimo. Perde un yui ta significa carga cu un dolor casi insoportabel, cu hopi a yega di experimenta, pero poco ta papia di dje, el a skirbi den un essay hopi honesto y doloroso den New York Times tocante su experencia dia 25 di november. Meghan y Harry a renuncia oficialmente nan rol como ‘senior royals’ aña pasa. Nan deseo di tin un bida familiar normal a hunga un rol determinante den nan decision. Un fuente di e palacio a bisa caba un biaha, cu ora Archie a nace “Nan tabata sa cu lo primi e boton nuclear” pa nan salida real.
