E negoshi di moda di Victoria Beckham a acumula un perdida total di mas di £ 46 miyon, mientras cu e auditornan ya a adverti di tin basta duda riba e capacidad di e empresa pa sigui funciona. For di e cuentanan na e principio di e luna aki, e auditoran a adverti riba nan duda. Mrs Beckham a registra perdida di £11,8 miyon 2019 y £ 12,3 miyon na 2018. E auditornan a bisa cu e empresa mester di e apoyo financiero continuo di e accionistanan.
Victoria Beckham (46) a lansa su marca na 2008 cu un coleccion chikito di shimis. El a crece cu un variedad grandi ofreciendo jacket, sapato y acesorio. Luna pasa a sali na cla cu tanto Victoria y su casa David Beckham a paga nan mes un suma di £ 40,000 pa dia danki e ganashinan obteni di David su compania, DB Ventures. E negoshi di moda di Victoria Beckham ta esun cu ta enfrentando un futuro dudoso despues di a acumula perdidanan total di mas di £ 46 miyon desde su lansmento.
Mientras e publicistanan di e ex-Spice Girl ta purba di duna un briyo positivo na e cifranan, e accountants a bisa cu e empresa mester e apoyo financiero continuo di e accionistanan pa sigui funciona. “E situacion of condicion ta indica cu ta existi un incertidumbre material, cu por genera duda significativo riba di e compañía su continuidad”, e accountants a skirbi. E amigonan di e strea ta bisa cu e ta determina pa continua cu su empresa, a pesar cu e criticonan a califica esaki como un proyecto vanidoso.
