Pa mayoria di e celebridadnan no ta existi un prijs demasiado halto pa paga, ora ta trata di mustra glamuroso y espectacular, Laga nos tira un bista riba e looks mas caro di tur tempo, pa esunnan cu e ta solamente un dia mas den nan bida.
Lupita Nyong’o
Na 2015, Nyong’o a mustra fabuloso den e shimis largo di Calvin Klein, elabora cu 6.000 perla. E ‘showstopper’ cu Lupita a luci na entrega di Oscar ta calcula na $ 150,000.
Audrey Hepburn
Na entrega di Oscar na 1954 na New York, Audrey Hepburn a bisti e shimis aki ‘tea-length’ di Givenchy. El a ser bendi pa poco menos cu $ 131,300 na 2011.
Princess Diana
Prinses Diana a bisti e shimis di chiffon di seda di Catherine Walker tres biaha: pa un retrato, estreno di opera y ultimo na Film Festival Cannes. El a ser subasta pa mas di $ 137,000.
Elizabeth Taylor
Na 1970 e ‘timeless’ beauty Elizabeth Taylor a bisti e shimis aki di chiffon pa entrega di Oscar. Y na 1999 el a ser bendi pa $ 167.500.
Cate Blanchett
Na Oscar di 2007, Cate Blanchett a luci un shimis di Armani Prive den plata ‘one-shoulder’, tur e briyo aki di cristal di Swarovski ta bal $200.000
Beyoncé
Ta ser bisa cu ‘cada’ perla di e Met Gala custom-made latex dress di Beyoncé a costa entre $ 6,000 y $ 8,000. No sa e prijs exacto di e shimis aki.
Paris Hilton
Hilton a uza e shimis aki di August Getty, cu su prijs ta $ 270,000, yena cu 500,000 cristal di Swarovski na Hollywood Beauty Awards.
Amal Clooney
E diseñador Oscar de la Renta a crea e impresionante shimis cu Amal a bisti dia cu el a casa na 2014 cu George Clooney. E prijs: $380,000
Kate Middleton
E Dukesa di Cambridge su impresionante shimis pa su Boda Real na 2011, cu un cola elegante diseña pa Sarah Burton a costa $400.000.
Audrey Hepburn
E famoso shimis diseña pa Givenchy pa e pelicula Breakfast At Tiffany’s na 1961, a ser bendi na 2006 pa casi $80,000 menos cu 1 miyon di dollar.
Marilyn Monroe
E shimis diseña na 1961 pa Jean-Louis Berthaulto pa Marilyn Monroe su presentacion na Madison Square Garden pa ‘Happy Birthday, Mr. President’ na John F. Kennedy su fiesta di 45 cumpleaño. A ser bendi na un subasta pa $ 1.3 miyon.
Nicole Kidman
E shimis borda aki di Christian Dior Haute Couture cu Nicole Kidman a bisti 69th Academy Awards na 1997 a costa $2 miyon.
Jennifer Lawrence
Lawrence a luci deslumbrante na Oscars 2013 den e creacion aki Dior Couture. El a trompica mientras e tabata subi e trapinan pa ricibi su premio pa Best Actress. E prijs: $4 Miyon.
Marilyn Monroe
E famoso bisti aki cu a ser mira pa prome biaha den e pelicula ‘The Seven Year Itch’ na 1955, a ser subasta na 2011 pa $ 5,6 miyon.
