Kim Kardashian y Kanye West segun un fuente a divulga cu tin diferente vision di con nan ta wak e mundo, y con nan kier cria nan yiunan. Kim y Kanye tin cuater yiu hunto: North, Saint, Chicago y Psalm. Segun e informante cu Kim semper lo sostene Kanye y su causanan y lo apoye cu e yiunan, pero su futuro loke ta concerni trabou, famia y bida general ta depende estrictamente di Kim mes. E ta continua cu su proyectonan y Kanye tambe. Loke nan kier pa nan yiunan den bida no semper nan ta bay di acuerdo, e fuente a expresa.

Na januari e aña aki, un otro informante a confirma cu Kim Kardashian tabata disgusta cu e actitud di su casa, cu a pone pensa pa divorcia. “Tin poco secreto den e famia y tur di nan tabata sa di e frustracionan cu Kim a soporta cu Kanye y su poblemanan”. Un tercer fuente ta sigura cu Kim no ta preocupa di continua cu su bida su so hunto cu su cuater yiunan. “Bibando sin Kanye no ta bay cambia su estilo di bida. Kim a custumbra y sa con pa balansa famia y trabou” e fuente a bisa.

LEAVE A REPLY

Please enter your comment!
Please enter your name here