E pareha a haci un aparicion sorpresa dialuna ultimo na e evento Stream On di Spotify, sinta riba un sofa na nan cas di $14 miyon na Montecito, California. Meghan y Harry a probecha pa papia tocante Archewell Audio, e produccion cu nan a inicia fin di aña pasa, cual su obhetivo ta pa crea podcasts exclusivo pa e plataforma di streaming. Pa e ocasion aki Meghan a bisti un shimis na balor di £2,645 di e corte peplum cu prints di lamoenchi geel y blachi di e coleccion ‘Citrus Primavera’ di Oscar de la Renta. Pa loke ta su acesorionan, el a bisti un renchi di Eckand cu un rubi di 5.40 karaat di oro geel y pavé di diamante, un holoshi Cartier di oro cu tabata di princesa Diana.

E dukesa di Sussex a haci un ‘statement’ cu su krulnan glamuroso estilo Hollywood den su prome aparicion desde cu el a sali di e famia real, unda cu e reina a retira tur e patrocinionan prestigioso cu nan tabata ‘comprometi’ pa apoya. Segun un famoso pelukero, e dukesa probablemente a logra su look glamuroso cu extensionnan di clip, cu a aumenta e largura y volumen di su cabey. E pareha real a anuncia riba Dia di San Valentino, cu nan ta spera di dos yiu, pero no a revela e fecha di nacimento di e baby. 

“Nos a crea Archewell Audio pa sigura nos mes cu nos por eleva e bosnan cu talbes no ta wordo scucha y pa scucha storia di e hendenan”, Meghan a bisa durante su intervencion den Stream On. “E obhetivo di esaki ta pa crea e comunidad aki den cual por comparti y duna aliento na otronan pa comparti nan propio vulnerabilidadnan den un espacio sigur”, Harry a añadi. E prome episodio di Archewell Audio a sali na december aña pasa y cu a bay tocante Pasco. Den e programa ey a tuma parti algun famoso manera: Stacey Abrams, Brené Brown, Elton John, Deepak Chopra, James Corden y Tyler Perry.

LEAVE A REPLY

Please enter your comment!
Please enter your name here