E tres seccionnan den FOCUS Digital presenta pa e expertonan: Dina Alexander, Jessica Wolter y Daniela Kuipers-Ramos, cu cada luna ta trece topico informativo riba nan area di experticio. Pa e luna di maart e sexinista, Dina Alexander, ta trece den detaye kico ta ‘La Cangreja’ cual ta considera como e diosa den tur hende muhe. E ta splica cua ta e beneficio uzando e “Yoni Egg practice” pa por logra e sensacion total di placer. ‘Yoni eggs’ ta traha di varios piedra precioso y cristal den forma di un webo. E webo cosmico aki ta existi desde e historia di creacion di mundo y a keda profetisa como e vehiculo den cua e diosa ta bin bek na tera pa restaura e ekilibrio. E webonan di cristal aki ta uza den e vagina y ta duna e centro di e matriz un energia poderoso. Dunando asina e beneficio fisico y spiritual.

Bo aura y su efecto den bo bida ta e tema escogi pa e luna aki pa Jessica Wolter, cu ta puntra si den algun momento di nos bida nos ta uza e expresion: “bo ta den mi espacio”, “duna mi un espacio” of simplemente bo ta rond di un persona y bo ta sinti cu e ta invadi bo espacio. Esaki ta laga bo sinti incomfortabel of tambe bo por sinti cu bo a keda ‘drained’ di ta rond di un persona. E espacio na esun cu bo ta referi na dje yama bo aura of bo veld electromagnetico, esaki ta e espacio cu ta cubri nos curpa fisico, pero no ta visibel cu nos simpel bista, pero si por percibi. Atrabes di varios ilustracion e ta mustra cu e color di nos aura ta un frecuencia di energia cu ta cambia, dependiendo di e emocionnan cu nos ta sinti, nos interaccion cu e ambiente rond di nos y con nos ta socialisa cu esunnan rond di nos.

E luna aki DanielaKURA coach, trainer & speaker, ta papia tocante di e LUNA! E tabata semper atrai na e luna y ora e tabata biba na Aruba, e ta corda cu e luna cu nos ta wak for di Aruba ta uno unico! Dicon e luna tin influencia riba nos? E influencia di luna no solamenta por ta splica na un manera spiritual of energetico, pero tambe e ta splica na un manera cientifico. Daniela ta comparti dicon el a cuminsa guia e hendenan pa siña traha cu e energianan di luna. Door cu e sa cuanto influencia e luna tin pa nos sistema humano, el a cuminsa profundisa su mes den traha cu energia y el a cuminsa ofrece e ritualnan virtual durante luna yen y luna nobo. Durante su ritualnan online e ta guia tur persona den nan strategia di bida, basa riba e influencia di e luna. 

Lesa e articulonan aki completo den FOCUS Digital di maart, cu ta un experencia unico pa ‘browse’ y lesa e revista, cu tin su contenido di calidad manera semper. FOCUS Digital ta acesibel via Apple Store of Android Google Play Store, cu por download e aplicacion aki gratis riba un smartphone of tablet.

LEAVE A REPLY

Please enter your comment!
Please enter your name here