Amala Ratna Zandile Dlamini, conoci profesionalmente como Doja Cat, ta un cantante, rapper, compositor y record producer mericano, cu a nace y crece na Los Angeles. E ta yiu di e actor sudafricano Dumisani Dlamini y di e pintora Deborah Elizabeth Sawyer. Di chikito el a studia piano y tabata bay les di tap, ballet y jazz.
Den su epoca como teener e mes a cuminsa siña canta y skucha mescla eclectico di hip-hop, indie-rock, R&B y musica electronico. Doja Cat a cuminsa graba tambe riba su computer y asina el a lansa Purrr! Despues di gana popularidad cu su debut na 2014 cu Purrr!, Doja Cat a haya fama grandi cu e exitoso hit ‘Mooo’ na 2019. Na 2020 ya e tabata na top di Hot 100 cu su single ‘Say So’ di su dos trabou Hot Pink.
Doja Cat su ultimo logro den su carera tabata e momento cu el a ricibi tres nominacion pa Grammys 2021 pa Best New Artist, y su singe ‘Say So’ tabata nomina pa Record of the Year y Best Pop Solo Performance. Sinembargo Doja Cat no a logra supera e ganadornan den su categoria, cu a resulta: Megan Thee Stallion-Best New Artist, Billie Eilish-Record of the Year y Harry Styles-Best Pop Solo Performance.
Despues cu e resultadonan a bira conoci, e rednan social tabata invadi cu post di e fans di Doja Cat, bisando cu el a ser horta di su grammy, principalmente esun di Best New Artist. Un usuario a skirbi: “E album di Megan Thee Stallion tabata fantastico … pero nan a horta Doja Cat. E manera con e ta logra cu su cancionnan ta bira trend riba TikTok a cambia e industria di musica, y a haya un generacion nobo cu ta interactua cu su musica den un forma totalmente nobo. E merece Best New Artist”. Un otro a agrega: “I know that @theestallion did not win best new artist over @DojaCat”.
