Si microblading no ta atrae bo… anto awor tin un producto nobo cu por resulta interesante y cu e mesun efecto. Desde un par di aña microblading a converti den un must pa hopi hende, principalmente pa esunnan cu ta gusta tin nan wenkbrauw diki y cu hopi volumen. E tecnica ta consisti den dibuha cabey pa cabey of haci un sombra cu pigmento semi permanente, sin embargo no ta tur hende ta candidato, esunnan cu cutis vet of poronan hopi habri no ta recomendabel ya cu e efecto ta wanta menos tempo.
Ta importante pa tene na cuenta cu e procedimento mester cierto cuido y retoca despues di tempo, dus si definitivamente bo ta resisti di hacie, no preocupa paso tin otro alternativa super bon, facil y cu e mesun acabado. Si, e miho opcion ta uza algun producto cu ta permiti logra esaki, Brow Microfilling Pen di Benefit ta un potlood pa wenkbrauw cu ta yuda logra un efecto di micropigmentacion. E miho parti? E acabado por dura perfectamente durante 24 ora, e ta waterproof y tin cuater tono disponibel cu ta adapta na bo cabey y cuero, asina ta cu no tin pretexto, paso bo lo haya e color adecuado pa bo!
