E competencia di Miss Aruba Online, loke ‘followers’ lo mira, ta for di awe 26 di maart te cu 25 di april, 2021, dia cu lo anuncia e ganadornan. E diferencia ta cu e aña aki, e organisacion a haya e candidatanan mas trempan, mirando cu por a prepara pa e eleccion di e aña aki. Ta despues ora cu Lockdown a cuminsa aña pasa, e idea a nace pa organisa Miss Aruba Online. E criteria pa por competi pa Miss Aruba Online a keda mescos, cu excepcion di e edad maximo cu a bira 28 aña pa por competi. Tin algun reto cu a keda mescos y tin algun reto nobo. Pero en total 10 reto ta conta pa puntuacion final. E aña aki e huradonan lo duna 2 puntuacion na cada reto: 1. Presentacion di participante, 2. Creatividad

Un cambio cu a surgi tambe, cu ta for di control di e organisadornan ta, cu for di 15 candidata awor a bay pa 12 candidata. Ademas mirando e medidanan cu a wordo anuncia awe door di gobierno, posiblemente mester pospone e anochi final of e ta bira mescos cu aña pasa, cu e dia di resultado ta keda online, pero e anochi di coronacion ta cambia, esey por ta tambe un opcion, segun e fundador y organisador di Miss Aruba Online, Hendrik ‘Endy’ Croes, cu a sigui bisa: “Nos mester keda pendiente di tur e medidanan cu gobierna ta implementa . E bon ta cu e aña aki e candidatanan a haya hopi mas tempo pa prepara, dus nan por a haci nan retonan prome cu cualkier medida, esey ta duna nan mas espacio compara cu aña pasa, cu e candidatanan mester a haci tur cos mientras tin ‘shelter in place’ y ‘total lockdown’. Por mira materialnan tiki diferente compara cu aña pasa, cu tabata mas limita. Dus nos espectativanan ta halto”.

E fechanan di e challenges ta como lo siguiente:

CHALLENGE  FECHATEMA
#126 maartVideo di Introduccion
#2 29 maart Miss Fotogenica
#3 31 maartMi causa loke mi ta para p’e
#42 april Potret Swimwear
#55 april Live Grupo #1
#57 aprilLive Grupo #2
#59 april Live Grupo #3
#610 aprilEntrevista cu hurado grupo #1
#611 april Entrevista cu hurado grupo #2
#7 12 aprilMi Talento
#814 april Presentacion Trahe di Gala
#9    16 april Si mi tabata Prome Minister-Kico lo mi cambia na Aruba?

Dia 20 di april ta finalisa e parti votacion y final di Miss Aruba Online 2021 ta ser anuncia dia 25 di april riba e pagina oficial di MAO riba Instagram y Facebook. E parti votacion lo ta unicamente riba e pagina di Miss Aruba Online riba Instagram.

LEAVE A REPLY

Please enter your comment!
Please enter your name here