Aña pasa Jelisse Boekhoudt a cuminsa su carera como solista bou di e nomber artistico, ‘Jell-yz’. E ta popular formando semper parti den grupo di gaita y den e eventonan cultural, pero el a haya e oportunidad pa purba den un otro genero musical. E prome cancion cu Jelly-yz a graba como solista tabata ‘Muher Fuerte’, cu ta un ritmo combina bailabel. Awo Jelly-yz a lansa e tema ‘Tus Ojos’ Remix, cu ta un adaptacion di e version original.

E tema ta un composicion di Maxwell y productor ta Hubert Thiel, cu a dicidi di dun’e un toke diferente.  E tema aki mester a sali caba, pero door di e diferente festivalnan virtual durante luna di maart, nan a dicidi di wanta esaki. Jell-yz a prefera di ocupa su mes di su yiu cu tambe ta canta, esta Xenon. E tambe ta preparando algo pa sali proximamente cu su prome produccion comercial. Tur hende conoce Xenon pa su participacion na e diferente festivalnan. Cu esaki tras di lomba, Jell-yz a lansa ‘Tus Ojos REMIX’!

LEAVE A REPLY

Please enter your comment!
Please enter your name here