Den edicion di FOCUS Digital di april tin un reportahe cu Gricel Botshon, cu ta biba entre New York y Aruba, unda e ta comparti su bida cu su casa, Brian Botshon. E prome biaha cu Brian a mira Gricel riba escenario cantando, el a keda impacta cu su bunita stem y beyesa. Despues cu nan a casa, Gricel a sigui canta como hobby y e gusta entretene su famia y su amigonan den encuentro familiar of social. Door di e pandemia nan a keda full aña pasa na Aruba y Gricel e tuma e oportunidad pa graba un video na september totalmente en bibo na e Clubhouse di Tierra del Sol.
Gricel ta bin di un famia Venezolano, cu a nace cu oido musical. Su tata tabata canta den Trio desde hopi jong y su mama tabata canta y toca guitara mas tanto den iglesia Evangelico, unda Gricel a cuminsa canta tambe desde chikito. Gricel su ruman mas chikito ta esun cu a anim’e pa canta den e Trio Los Hermanos Urbina. For di e trio el a pasa pa canta den e bandanan cu diferente estilo di musica, manera; salsa, merengue, balada y paso doble den e fiestanan priva na su pais natal.
Na su yegada na Aruba, Gricel ta corda cu e tabata hopi feliz pa cuminsa un etapa nobo, yena di oportunidad pa su bida. Lesa e entrevista di Gricel Botshon den Focus Digital di april, cu ta acesibel via Apple Store of Android Google Play Store, cu por download e aplicacion aki gratis riba un smartphone of tablet.
