María Guadalupe Jones Garay, ex reina di beyesa y actual directora di e certamen Mexicana Universal, a registra como candidata pa gobernadora di estado di Baja California, Mexico. Lupita Jones ta e aspirante di Alianza cu ta integra pa PRI-PAN-PRD. El a nace na Mexicali dia 6 september 1967, e ta actriz, escritora y empresaria mexicana.
Na 1991 Lupita Jones a representa Mexico na e certamen di Miss Universe, cu a tuma luga na Las Vegas, unda el a bira e prome Mexicana pa obtene e titulo. Na 1994 el a forma e empresa Promocertamen, organisador y creadora di e concurso Nuestra Belleza Mexico. Na 1997 el a crea e prome concurso di beyesa masculino na Mexico, El Modelo Mexico.
Lupita a studia e carera di licenciatura den ‘Administración de Empresas’ obteniendo su titulo profesional na 1989. Ademas, el a haci un postgrado den Administracion Industrial na e Centro de Enseñanza Técnica y Superior (CETYS) na Mexicali, Baja California. Si e wordo eligi como gobernadora, el a bisa cu e lo bay acerca e hendenan pa e scucha nan: “Pasobra mi sa cu for di eynan tin e solucionnan pa e problemanan”. El a sigura cu su prioridad ta pa bay supervisa pa e cosnan sosode, manera cu a ser priminti”.
