E modelo di 25 aña, Kendall Jenner, a wordo obliga di bandona su mansion na Bevery Hills, despues cu polis a inform’e cu un homber cu yama Malik Bowker, a haci un serie di amenasa preocupante den su direccion. Incluso Kendall a haya sa for di LAPD cu Malik tabatin e intencion di cumpra un arma y tira riba dje, prome cu e kita su propio bida. Supuestamente e homber tabatin potret di Kendall riba su rednan social, loke a pone cu Kendall a bisa cu esaki a lag’e sinti miedo pa su propio siguridad.

E tabata na comienso di maart cu Kendall a ricibi e ordo pa un alehamento temporario y diamars un hues a dicta den un audiencia hudicial, cu e medida aki ta wordo establece pa su proteccion y lo wordo manteni pa cinco aña. Segun e informacion di TMZ, Bowker mester mantene por lo menos 100 meter di distancia for di Kendall y su cas, su luga di traha y su vehiculo. E homber aki tambe ta prohibi di purba di haya su adres y tampoco ta permiti pa e tin niun contacto fisico of electronico cu ne.

LEAVE A REPLY

Please enter your comment!
Please enter your name here