Demi ta rebiba e anochi di su overdosis casi fatal na 2018, cu detayenan doloroso y ta papia cu frankesa con durante añanan el a sa di recupera di e punto cu a kibra su bida. E ta comparti abiertamente pa prome biaha e acusacionnan di abuso sexual; e ta reflexiona riba tur e experencianan aki di cual finalmente el a ser libera. Den e documentario bo por scucha e comentarionan con e sernan keri di Demi, entre otro e esun encarga cu e caso, ex-asistente, dokter, hefe di siguridad, incluso Elton John, cu a haci e documentario ‘Dancing With the Devil’ su berdad sin filtro. Tur e etapanan doloroso cu tabatin un impacto den su bida, ta loke Demi a siña anda cu ne durante su trayectoria.
Demi Lovato a habri un combersacion cu e celebridad Drew Barrymore riba e luchanan cu nan dos a comparti siendo streanan infantil, den un entrevista den e programa di Drew dia 13 di april. Ambos di e celebridadnan aki, a drenta den e negoshi di entretenimento chikito, prome cu nan tabatin 10 aña. Lovato protagonisando Barney & Friends cu Selena Gomez, unda ambos tabatin 7 aña y Barrymore sigurando su rol den e pelicula di E.T. ora e tabatin solamente 7 aña. Mientras cu nan trabou a haci nan mustra manera mucha, y nan a ser cuida pa nan famia como nan apoyo familiar, e mundo di Hollywood nunca a siña nan pa cuida nan mes.
“No tin un manual con pa educa un strea infantil. Y ora un strea infantil contesta despues cu e tata bis’e: “Bo ta na straf door di a sali 3’or di madruga”, e contesta ta esaki: “Ami ta paga e cuentanan. Kico bo lo bay haci? Laga mi bou castigo? E tabata un reto”, e pop star a conta Barrymore. Nan dos a reflexiona riba e dinamica ‘straño’ di ta cerca di e adultonan constantemente pa traha, mientras nan tabata mira nan bebe alcohol y despues pa pensa ora nan crece y bira adulto den e mundo di Hollywood: “Y kico tur mester haci pa keda den e wega?” Lovato mas despues a detaya su pensamento: “Si mi ta ser trata como un adulto, mi lo bay di fiesta, mientras cu ambos a toca nan e lucha contra alcohol.
Despues di su overdosis na 2018, Demi a comenta cu el a sufri 3 stroke y un ataca di curason, y e dokternan a bise cu e tabata minuutnan for di su morto. “Mi tin suerte di ta bibo, y si mi asistente no a yega, mi no lo ta aki awendia. Mi tabatin 5 pa 10 minuut mas di bida”. Lovato ta describi su mes como: “an open book with boundaries”, y a splica cu apesar di su ultimo documentario ta desvela su pruebanan y tribulacionnan hopi publica, e no a conta full su historianan, y ta sinti cu e no mester comparti esaki cu mundo henter. “Tin cosnan cu nunca mi lo comparti cu e publico, paso niun hende no lo beneficia toch. Esaki ta pa mi ekipo di tratamento” el a agrega. Demi Lovato den su forma mas autentico ta comparti su documentario cu e publico riba Youtube.
