E luna di mei ta habri cu e edicion di Focus Digital Magazine di e luna aki, acesibel pa tur su fiel siguidonan por download gratis. E portada ta ilustra Larisa Leeuwe cu su baby Mason y tambe Sue Yip hunto cu su yiu muhenan: Cindy y Sulina. Manera tur aña e ‘highlight’ di mei ta ‘Mother’s Day’, y hunto cu e mamanan riba portada tin Edeline Weller cu su yiu homber Lyev y tambe Gerelin Kelkboom cu su yiu muhe Christa. E cuater mamanan aki ta comparti nan experencia como mama y con nan yiu(nan) a cambia nan bida.

Denrick ‘Den Den’ Wouters ken recientemente a perde su kerida mama door di Covid ta relata con e ultimo dia di su mama na bida tabata inolvidabel y semper lo keda graba den su mente. E ‘Dia di Mama’ tabata un dia extra special aunke tur dia el a trata su mama, Liliana, mane un reina. Den e seccion di “Throwback’ ta trece bek Shandeeh Arends, cu ta conta su experencia di e dos ocasionnan cu e tabata riba e portada di mei, y con su bida ta awo. Nos lo sigui elabora riba e contenido di FOCUS Digital di mei, cu ta un experencia unico pa ‘browse’ y lesa e revista, cu tin su contenido di calidad manera semper. FOCUS Digital ta acesibel via Apple Store of Android Google Play Store, cu por download e aplicacion riba un smartphone of tablet.

LEAVE A REPLY

Please enter your comment!
Please enter your name here