Jennifer Lopez (51) y Ben Affleck (48) a sorprende tur hende rond mundo, cu e rumornan di un posibel reencuentro amoroso, despues cu tur dos a termina nan relacion sentimental cu nan respectivo pareha. Despues di solamente un siman cu a capta Ben Affleck saliendo di e mansion di Jennifer Lopez, awor a releva cu e ex-pareha a pasa fin di siman hunto y sin acompañante den un luhoso resort na Montana. E encuentro a sosode algun siman despues cu JLo y Arod a publica un declaracion conhunto den cual nan a anuncia, cu nan ta pone fin na nan compromiso despues di cuater aña hunto. Varios fuente a confirma cu e momento ey tabata e cantante cu a kibra finalmente cu e ex-hungado di baseball.
Na 2002 JLo y Affleck tabata hopi namora te nan a yega na compromete, sin embargo algun dia prome cu e ceremonia nan a pospone nan decision. Na 2004 e pareha a dicidi pa pone fin na nan romance y algun luna despues Jennifer a cuminsa un relacion sentimental cu Marc Anthony, mientras cu Affleck a bay den un relacion cu Jennifer Garner, mama di su tres yiunan. E Diva di Bronx a post varios potret den compania di su yiunan, e morochonan di 13 aña, Emme y Max, hunto cu su mama riba su rednan social en conexion cu Dia di Mama.
