E aña aki ta mustra cu Endy Croes y N-Designz ta ‘all out’ pa e certamen di Miss Youth Aruba 2021. Sin duda su meta ta pa Isabella Benschop pasa e corona pa un di su missnan dia 3 di juli. Ayera nochi su dos candidatanan a obtene e titulo di Miss Elegancia y Miss Press, ademas di a keda finalista den ambos categoria. Esey ta nifica cu el a logra 4 premio for di 6 den e categoria di Miss Elegancia y Miss Press.
Na 2019, Endy Creos y N-Designz tabatin dos logro grandi den dos siman di tempo, cu Isabella Benschop corona como Miss Youth Aruba y despues Ileyna de Cuba como Miss Teen International Aruba. Ademas di titulo maximo cada uno conhuntamento cu N-Designz a conkista 10 premio. Loke Endy a bisa e aña ey ta, cu e sentimento di orguyo y gradicimento ta inmenso. Nos por a mira un Endy Croes sumamente contento y orguyoso ayera, cu e triunfo di Kayla Villasmil como Miss Press y Stacey van Gaalen como Miss Elegancia. Ademas cada uno tabata 2nd Runner Up den cada categoria.
