E Dukenan di Sussex a anuncia cu nan ta spera nan di dos yiu riba Dia di San Valentino y despues durante e entrevista controversial cu Oprah, nan a bisa oficialmente cu nan ta spera un yiu muhe. Manera tabata di spera mesora a cuminsa specula e posibel nombernan pa e ruman di Archie Harrison. E nacemento di e baby tabata diabierna 4 di juni pa 11:40 a.m. na Santa Barbara Cottage Hospital na Santa Barbara, cual noticia e Dukenan di Sussex a comparti ayera a traves di nan website Archewell.  

Meghan Markle y prins Harry, a rindi homenahe na e wela y na e mama di e Duke di Sussex, esta Queen Elizabeth y Princess of Wales. E Dukenan di Sussex a yama nan yiu muhe, Lilibet “Lili” Diana Mountbatten-Windsor. Mescos cu Archie cu a nace na mei 2019, cu no tin derecho na un titulo real, tampoco Lilibet no ta permiti pa wordo yama prinses, te ora cu reina Elizabeth fayece y prins Charles converti den rey, segun e reglanan estableci mas cu 100 aña pasa. Recientemente prins Harry a reflexiona publicamente tocante paternidad bisando, cu e kier ‘kibra e ciclo’ di ‘dolor y sufrimento’ di su criansa cu su propio yiunan.

LEAVE A REPLY

Please enter your comment!
Please enter your name here