Presidente Joe Biden a comparti un comunicado riba e rednan social anunciando cu su German Shepard, a muri diasabra na e edad di 13 aña. “Nos curason ta pisa awe manera cu nos ta laga boso sa cu nos German Shephard, Champ, a muri pacificamente na cas. E tabata nos compañero stima y constante durante e ultimo 13 añanan y e tabata adora pa henter e famia Biden”, nan a skirbi.

“Aunke Champ su forsa a disminui durante e ultimo lunanan, ora nos drenta su camber, inmediatamente e tabata lanta, su rabo semper tabata zwaai, y tabata caricia nos cu su nanishi pa rasca su horea of pa un masashi na su bariga. Unda cu nos tabata, e tambe kier ta, y tur cos tabata instantaneamente miho ora e tabata band’i nos”, e comunicado a sigui bisando.  

Tempo cu nan a muda pa White House, e president y su casa a hiba nan dos cachonan, Champ y Major. E tabata prome biaha den cuatro aña cu un mascota a biba eynan, y Major ta e prome cacho adopta cu ta biba na 1600 Pennsylvania Avenue. Famia Biden a reflexiona tambe riba e momentonan feliz cu nan famia a comparti cu Champ. E tabata gusta lora rond di nan pianan dilanti un candela na final di dia, cu su presencia confortabel na e reunionnan of pa tuma solo den e hardin di White House.

LEAVE A REPLY

Please enter your comment!
Please enter your name here