E yiu muhe di prins Harry y Meghan Markle, Lilibet Diana, ainda no a cumpli un luna naci, pero ya tin hopi speculacion rond di ken tin e previlegio y honor pa ta su madrina of padrino di bautismo. Hopi ta kere cu Oprah Winfrey por ta riba e lista di e posibel opcionnan door di su amistad cercano cu e dukenan di Sussex. E rumor ta asina fuerte cu hasta e presentador di Entretainment Tonight, Kevin Fraizer, a puntra Oprah directamente durante un combersacion cu ne.
Sin acepta of nenga nada directamente, Oprah Winfrey a contesta cu e ‘no mester’ ta e madrina di Lili door cu ya e ta bisiña, amiga y tur esey. E dukenan di Sussex ta biba hopi cerca di e presentadora na Montecito, California. Den un forma di joke, Winfrey a comenta cu ademas, sigur e yiu di Meghan y Harry mester un madrina mas jong cu ne, ya e tin 67 aña. Loke si el a sigura ta, cu el a encanta e nomber cu e pareha a scoge pa e baby, cu ta haci referencia na su wela, prinses Diana y su bisawela, Reina Elizabeth II.
