E famoso cantante mexicano, Thalia, a lansa su ultimo album “DesAMORfosis”, cu ta contene 14 cancion den e luna di mei. Awo el a estrena e video di e cancion ‘Eres mío’, cu participacion special di e influencer, Gilmher Croes, cu tin miyones di siguidonan. E cantante den e video musical tin un relacion ‘long distance’ cu e influencer, cu ta resalta e relacionnan di pareha den un comunidad, unda e rednan social y telefoon tin su protagonismo.
Den e videoclip por mira Thalia cu un blusa roos sexy y un carson shinishi, cu manera cu e lanta ta conecta cu Gilmher. Cu un makeup dramatico, cu pestaña hopi largo y eyeshadow metalic, su lipnan delinea y cu briyo color caramel, e interprete ta seduci e camara y Gilmher, cu ta fungi como modelo den e video. E otro look di Thalia ta estilo rockera, cu un outfit di charol preto combina cu boots plataforma y hilchi haltisimo, faha oro y cadenanan yamativo di e mesun tono metalico.
Den e escena aki e cantante cu tambe ta un empresario di moda y beyesa, a luci un hairdo mas wild, y un makeup unda e wowonan tambe ta protagonista, cu un eyeliner preto. Gilmher Croes sigur a agrega algun miles di siguidonan femenino mas despues di e video aki, unda el a mustra su talento singular y ta simplemente excepcional.
Me encanta ver Arubianos de éxito con gente exitosa. Felicitaciones.!!