Ora bo tin un rutina di ehercicio bo ta mira e beneficionan. E ta duna bo emocionnan positivo y bo ta sinti mas contento. Ora bo haci ehercicio bo curpa ta traha ‘endorphins’ cu ta kimiconan den bo mente cu ta pone bo sinti bon! Bo por cuminsa sinti bon den e prome minuutnan haciendo gym. Imagina si un hende sostene esaki pa un periodo largo di nan bida.

Mas confiansa den bo mes

Kisas ora bo cuminsa haci ehercicio e ta un tiki dificil, pero poco poco bo ta wak cu bo ta birando miho cada dia. Esaki por boost bo auto-estima y laga bo sinti great.

Mihor calidad di soño

Haciendo ehercicio regularmente ta yuda bo pega soño lihe y trankil. Mas intensivo e ehercicio ta, mas grandi e chens ta cu bo lo drumi bon e anochi ey.

Un curason saludabel

Ehercicio ta boost un hende su salud cardiovascular y esaki ta yuda pa tin mas energia durante  dia. Door di esaki ta bira mas facil pa haci actividadnan diario, bo lo tin mas energia y bo no lo sinti hopi cansa ora bo a caba di traha. Ehercicio regular por yuda tambe pa controla hipertension y mehora bo nivelnan di cholesterol.

Un bida mas largo

Haciendo ehercicio regularmente por agrega mas aña di bida. Bo no mester ta super intensivo bezig pa haya e beneficionan di un bida mas largo. Haciendo ehercicio cada dia ta yuda bo biba mas largo, cu si bo no a haci niun movecion. Investigacionnan di Harvard ta bisa cu un minimo di 15 minuut di ehercicio cada dia por boost bo ‘life span’ cu tres aña!

Menos stress

Ehercicio ta calma bo curpa y mente. Ora bo ta haciendo bo H.I.I.T workouts, weight lifting of zumba, bo ta pensando riba nada mas cu e ehercicio. Despues cu bo curpa a traha duro, e nivelnan di e hormonanan di stress di bo curpa ta drop.

Control di Peso

Nos tur sa cu ehercicio ta yuda bo baha peso. Door di haci ehercicio regularmente e ta yuda bo tene bo curpa ‘in check’. Ta recomendabel pa un hende haci minimo di 150 minuut di ehercicio modera pa siman.

LEAVE A REPLY

Please enter your comment!
Please enter your name here