E yiu muhe mas chikito di Kerry Kennedy y e gobernador di New York, Andrew Cuomo, a revela cu e ta demisexual. Despues di a papia riba su identidad queer luna pasa, e hoben di 23 aña a duna mas informacion tocante su orientacion sexual durante un combersacion live riba Instagram cu e activista y autor Donato Tramuto. Durante su charla, Michaela a splica cu e ta identifica principalmente como demisexual, cual PFLAG ta describi como individuonan, cu ta sinti solamente sexualmente atrai pa un hende ora nan tin un bond emocional cu e persona. Un persona demisexual por ta gay, heterosexual, bisexual of pansexual, y por tin cualkier ‘gender identity’.
“Tempo mi tabata na scol basico, mi tabatin temor di ser lesbiana. Tempo cu mi tabata na scol secundario, mi a sali afo na mi famia y amigonan como bisexual. Ora mi tabata na high school, mi a descubri pansexualidad y mi a pensa: “Esaki ta e bandera pa mi”. Michaela ta corda. “Recientemente mi a siña mas tocante demisexualidad y mi ta kere cu e identidad ey ta resona mas cu”, el a continua bisando.
Michaela a agrega cu semper e ta evolucionando, a pesar cu e tabata duda pa expresa su mes na esunnan cu ta asumi, cu e ta buscando atencion.
Durante Pride Month, Michaela inicialmente a declara su mes queer den un post largo riba Instagram, dunando curashi na e aliadonan LGBTQ pa vocifera nan apoyo, pa expresa nan mes contra homofobia y comunica activamente cu e miembronan di nan comunidad, cu por ta isola door di nan expresion sexual. Den su declaracion Andrew Cuomo a bisa cu e ta stima, apoya y e no por ta mas orguyoso di Michaela.
