Cancela aña pasa pa prome biaha desde Segunda Guera Mundial, e Festival di Cine di Cannes ta bek. Organisa na e ciudad turistico mas seductor di French Riviera, e festival anual ta un fecha cu no por perde riba e calendario di e industria cinematografico, estrenando e peliculanan cu un exito enorme, desde ‘Pulp Fiction’ te ‘Taxi Driver’.
Pero cu su espectacular red carpet y e celebridadnan cu hopi biaha ta yega den yate di luho, Cannes ta trata tanto di moda como di cine. Y un aña despues di e pandemia di Covid-19 a laga e Promenade di e Croisette casi bashi, e famoso boardwalk ta mes briyante y glamuroso manera semper.
· Bella Hadid a luci un elegante trahe vintage di Jean Paul Gaultier
· Andie MacDowell a bisti un shimis columna di Prada decora cu payet silver
· Adrien Brody a bisti un suit preto di Dior
· Eva Herzigová, e famoso supermodel a bisti carson preto di payet di Alberta Ferretti cu un blusa blanco
· Timothée Chalamet a briya den un suit silver di Tom Ford y su bril di Celine
· Lorena Rae, cu ta un modelo Aleman a luci un bisti elegante di Elie Saab
· Nidhi Sunil, e modelo di India y ‘gendercide activist’ a luci un creacion di Maison Rabih Kayrouz
· Leonie Hanne, e influencer Aleman a luci un shimis di twil di Nicole + Felicia Couture den sage green
· Spike Lee a bisti un suit ros intenso di Louis Vuitton y Air Jordan 1 PE sneakers
· Candice Swanepoel cu su carisma como modelo a luci un shimis blanco Etro halterneck
· Jodie Turner-Smith a capta tur mirada cu un shimis di Gucci cu un saya di pluma den dos tono
· Izabel Goulart, e modelo Brasileña a pose den un halter-neck jumpsuit di Etro
· Carla Bruni, famoso supermodel a bisti un shimis estilo columna di Saint Laurent
· Jeanne Damas, modelo y entrepreneur a luci un shimis preto chic di Christian Dior
