E escogencia di e nomber ta hopi personal, Maison Ryon ta den Frances y un lenguahe cu Ryon Dijkhoff, e fundado y director creativo ta haya romantico y clasico den e mundo di moda. E ta traduci na Papiamento como ‘Cas di Ryon’ mescos e casnan grandi di moda ta yama nan imperio manera: Maison Valentino, Maison Versace, Maison Margiela. E imperionan di moda aki, semper a inspira Ryon, cu te hasta e tabata yama su fiestanan di cumpleaño y su cas, Maison Ryon. Cu e vision pa lansa un dia e nomber aki como un marca.
Ryon a realisa e lansamento di su marca mas lihe cu el a spera y a wordo motiva pa su amiga, Kimberly Wever di Zsa Zsa designs, cu tin 9 aña trahando joya na man pa e hende muhe na Aruba. Nan a lansa e colaboracion entre: Maison Ryon x- Zsa Zsa Designs – The Aruban Traveler Collection, dia 7 di juni presentando un producto di calidad desde e pieza te na e empake. The Aruban Traveler ta e base di Maison Ryon, unda diferente aspecto manera: biahe, cultura, explora, conecta, autenticidad y gosa bida ta central.
Den edicion di Focus Digital Magazine di juli, Ryon Dijkhoff ta elabora riba e proceso artistico pa crea cada pieza, for di e inspiracion riba e material, imagina e colornan, forma y te sinti e pieza ora un hende tin e bisti. Den caso di algun di e diseñonan, tin e elementonan central cu ta e ‘main focus’ di e pieza, cu a wordo pinta na man y traha specialmente pa Maison Ryon. Download Focus Digital App riba un smartphone of tablet, cu ta accesibel via Apple Store of Android Google Play Store, y lesa mas ki ta e meta di Maison Ryon y Zsa Zsa Designs.
