E supermodel, Naomi Campbell, a ser mira den publico cu su yiu muhe recien naci pa proma biaha durante un salida discreto weekend pasa. Naomi cu tin actualmente 50 aña, a sorprende su fanaticonan tempo cu el a anuncia na fin di mei, cu el a duna bonbini na un ‘baby girl’ compartiendo un potret riba e rednan social, sinembargo el a mantene e detayenan di e nacimento keto. Cu su look chic, Naomi tabatin bisti un camisa blanco hancho cu carson preto cu strepi berde hancho cu su petchi mientras e tabata cana den e cayanan di New York pushando e stroller.
E salida tabata algun dia despues cu Naomi a rindi homenahe na su amigo amigo cercano, Gianni Versace, cu 24 aniversario di su morto diahuebs siman pasa, poniendo e potret di su yiu muhe den un romper di Versace. E diseñador di moda a ser asesina dilanti su cas luhoso na Miami Beach dia 15 di juli 1997. E super model a skirbi: “I love you Gianni Versace”, mientras el a comparti un potret di su baby cu tabata mustra comodo den e romper multicolor di Versace.
Naomi tabata e muse di Gianni Versace y nan a desaroya un amistad extremadamente cercano mientras nan tabata traha hunto den e industria di moda. Den un entrevista cu Vogue Italia, Naomi a revela cu Gianni a yega di salba su bida varios biaha. El a bisa cu e por scuche den su mente, bisando pa no haci esaki, sali di e situacion aki, y e ta obedece. Cu e tin cu gradici’e cu e ta na bida ainda. Versace tabata tambe e prome cu a introduci e concepto di exclusividad, e modelonan tabata biaha pa Milan of Paris pa cana p’e solamente.
