E cantante y activista a papia na fabor di e vacuna contra COVID-19 y el a manda un mensahe na e organisacionnan cu ta promove campaña den su contra. E cantante puertorriqueño Ricky Martin no a duda pa duna su opinion tocante e vacuna contra COVID-19 y no a keda keto dilanti di e hendenan of organisacionnan cu ta genera campaña cu mal informacion tocante e vacuna.

E cantante a comparti riba su stories di Instagram pa vacuna AWO y pa no ta egocentrico, lubida e videonan ridiculo di conspiracion cu bo ta mira riba YouTube. No ta trata di bo, ta trata di tur otro hende. Ricky Martin, ademas di un cantante di renombre mundial, ta activista y defensor di e derechonan humano. Esaki no ta prome biaha cu e cantante ta papia na fabor di vacunacion.

Na april el a comparti un video riba su rednan social di un combersacion riba e topico aki cu un specialista durante Latin American Music Awards. Di e forma ey, el a join un lista di artista cu ta posiciona nan mes pa apoya e campaña di vacunacion contra COVID-19. E contribucion di Ricky Martin tampoco ta limita na manda mensahe curashando su seguidonan pa vacuna contra e virus. El a bisa tambe a traves di su rednan social, cu el a vacuna pasobra e no por biba nunca cu e mes si e contagia, y despues transmiti esaki na un hende cu muri of termina den un hospital. El a hacie pa e hendenan cu nunca el a yega di conoce y pa su comunidad.

LEAVE A REPLY

Please enter your comment!
Please enter your name here