Drentando den su 40 aña ta momento cu Merelitsa Croes a dicidi, cu e kier enfoca riba su bienestar y pa mustra fabuloso. El a realisa cu e tabata e tempo perfecto pa fiha e metanan nobo y cu un ‘fresh start’. E motivacion pa haci un cambio den su estilo di bida na 2018, a haci cu Merelista a bay for di 90 kilo pa 65 kilo. El a yega di baha peso na un di e maneranan mas facil, esta cu cirugia estetico (lipoescultura), sinembargo den 6 luna el a bira dobel. El a subi tur e peso bek y hasta mas door cu e no a cambia su estilo di bida. Asina el a keda subi y baha durante algun aña cu tur e metodonan facil, manera hangua, pilder, shake, etc.

Despues di a purba tur e diferente metodonan pa baha peso, el a dicidi di drenta un gym. E ta train cu hopi disciplina 2 ora mainta for di dialuna pa diasabra, cu aworaki no ta manera un sacrificio mas, pero un estilo di bida. Den edicion di Focus Digital Magazine di e luna aki, Merelitsa ta comparti kico ta e exito di a logra y keda mantene su curpa den forma. FOCUS Digital Magazine di juli, ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet.

LEAVE A REPLY

Please enter your comment!
Please enter your name here