Alejandra Vallejo a nace na Colombia 31 aña pasa y desde su 2 aña di edad el a bin biba na Aruba. El a studia na Aruba y caba Colegio Arubano na 2007. Despues el a cuminsa su estudio di medicina na Colombia y a keda algun aña mas trahando den diferente departamento manera: gynaecologie y SEH den hospital publico y priva, cu a dun’e un experencia inigualabel den e area clinico.

Na 2017 el a dicidi di bin cas bek y a haya e oportunidad di cuminsa traha na Medwork como arbo arts, y asina conoce un poco mas di e sistema di salud laboral di Aruba. Na e mesun momento el a cuminsa busca informacion pa e reconocemento di su diploma via e BIG register. E factor mas importante pa Alejandra ta pa insisti y keda consistente den bo pensamento, cu por logra tur loke bo pone como meta.

Alejandra Vallejo ta haciendo actualmente su opleiding den specialidad medico di bedrijfsgeneeskunde, cu ta un estudio di 4 aña. E ta e specialidad medico cu ta focus riba e relacion entre trabou y salud. Lesa e entrevista di Alejandro den e edicion di Focus Digital Magazine di e luna di augustus, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet.

LEAVE A REPLY

Please enter your comment!
Please enter your name here