E polemica cu Britney ta hinca den dje door di su tata, Jamie Spears (69), ta sigui … y awo Jamie a acorda di retira como tutor di e patrimonio di su yiu. E ta ocupa e puesto aki desde 2008. Segun su expediente hudicial, e ekipo legal di Jamie ta bisa cu “no tin e motibonan real pa suspende of destitui sr. Spears”, pero e ta hala un banda “na e momento adecua” pa evita un ‘bataya’ cu Britney.

Britney Spears (39) mama di dos yiu homber a bisa luna pasa den corte, cu su tata tabata destrui su bida. “Mi ta aki pa deshaci di mi tata y acus’e di abuso di tutela”, el a bisa den su testimonio. “Mi kier pa e wordo investiga, paso e tutela aki a permiti cu mi tata a destrui mi bida”. Su ex abogado, Sam Ingham, a bisa anteriormente cu Britney tin miedo di su tata, y e ta nenga di actua mientras su tata ta administra su finansa.

Si e tata bay di e puesto, lo tin un luga habri pa un tutor nobo di e patrimonio di e cantante. E cantante di e hit “Baby one more time” a expresa na corte cu si su tutela no por caba completo, a lo menos e kier destitui su tata. Britney a nomina Jason Rubin para ocupa su luga. Cu e ayudo di su abogado nobo Mathew Rosengart , e pop star ta keda liber di e control legal di su tata riba su carera. Na 2019, e tata a renuncia temporalmente como tutor di Britney debi na su problema di salud. Jodie Montgomery a ocupa su luga durante e ultimo dos aña den capacidad temporal y actualmente e ta aproba den e cargo aki te dia 8 october.

E abogado di Jamie a reconoce e ‘sufrimento’ di Britney durante un declaracion hudicial na juni, y el a bisa cu e tata ta ‘lamenta’ di mira su yiu muhe ‘den tanto dolor’ ya cu e ‘ta stima su yui muhe’. Ta spera cu e asunto aki lo ta discuti y potencialmente finalisa den un audiencia hudicial dia 29 di september.

LEAVE A REPLY

Please enter your comment!
Please enter your name here