Prins Harry a urgi e militarnan veterano pa ‘ofrece apoyo na un y otro’ mientras e Talibannan a apodera di Afghanistan. E Duke di Sussex cu a wordo manda Afghanistan dos biaha durante su 10 añanan di servicio cu e ehercito militar Britanico, a trece su declaracion despues cu e talibannan a apodera di varios ciudad prome di move pa e capital, Kabul, durante fin di siman.
Prins Harry cu na 2014 a funda Invictus Games a declara hunto cu e director ehecutivo Dominic Reid: ”Loke ta pasando na Afghanistan ta resona den e comunidad internacional di Invictus. Hopi di e nacionnan participante y competitonan di e famia di Invictus Games, ta vincula pa un experencia comparti di servicio na Afghanistan durante e ultimo decadanan, y durante varios aña nos a competi hunto cu e ekipo di Invictus Games na Afghanistan. Nos ta curasha tur den e red di Invictus y e comunidad militar en general pa comunica entre otro y brinda otro apoyo”.
Harry a funda Invictus Games cu e obhetivo di probecha e poder di deporte pa inspira e recuperacion, apoya e rehabilitacion y genera un comprension y un respet mas amplio pa e esunnan cu a sirbi nan pais.
