Kendall Jenner orguyosamente tabata pronkia cu Devin Booker su medaya di oro di e Weganan Olimpico, mientras e tabata suntan den un bikini riba un boto. E potretnan a ser comparti riba e red social di Booker ayera. E supermodel di 25 aña a disfruta di e solo den un trahe di baño berde di dos pieza, y el a bebe un cerbes mientras cu Devin durante nan tempo hunto a bula den awa. Devin, cu ta hunga pa Phoenix Suns, a mustra claramente di a disfruta di un tempo liber bon mereci y simplemente el a titula e set: ‘LAKE BOi’.
Booker a comparti tambe algun snap di su recuerdonan di Tokyo, cu un petchi firma pa e team sinta hunto cu su medaya. E ekipo di ‘USA Men’s Basketball’ a hiba cas e prome luga despues di derota Francia den Saitama Super Arena na comienso di e luna aki. Booker a anota dos tiro liber y a hunga durante 22 minuut, mientras cu e capitan Kevin Durant a lidera e ekipo den un score cu 29 punto.
Booker a firma un contract pa cinco aña di $ 158 miyon cu Suns na 2018 y a yuda hiba Phoenix na e finalnan di Western Conference na juni 2021. E relacion amoroso di Kendall Jenner y Devin Booker a bin den publicidad pa prome biaha, ora nan a haci nan debut riba Instagram riba dia di San Valentino. Segun un fuente cercano cu Kendall nunca a mustra asina feliz y henter su famia tambe ta stima Devin, bisando cu e ta un guy hopi cool y ta hopi discrito cu no kier ta un celebridad.
