Aruba lo ta tremendamente representa riba escenario pa Derrel Lampe den e competencia pa eligi Mister Supranational 2021. Derrel su meta principal ta pa gana, y laga Aruba su nomber resalta na Poland y na tur pais cu e certamen lo wordo transmiti dia 22 di augustus. E aña aki Mr. Supranational ta celebrando su 5 aniversario y nan ta buscando un persona ehemplar, cu tin aspiracion fuerte pa su futuro pa inspira, unda cu e bay y pa ta un role model.
Tur cos a cuminsa na aña 2006 tempo cu Derrel Lampe a participa na Aruba Model Search. Di eynan e chispa a cende pa modela riba escenario y interes den e mundo di moda, El a haya hopi oportunidad pa modela na Aruba mes y esaki a amplia su lista di contacto, cu e personanan clave den e mundo di moda. El a keda escogi como Mr. Aruba Online aña pasa y cu awo ta pone riba escenario internacional pa e competencia di e prome lustro di Mister Supranational.
Hunto cu Derrel a biaha tambe Endy Croes, cu t’ey na Polonia pa duna sosten na e representante di Aruba den e competencia di Mister Supranational 2021. El a publica riba su rednan social diferente actividad y manera cu Derrel a expresa den su entrevista den Focus Digital Magazine di augustus, cu e ta kere cu un prome impresion ta conta hopi. Percura pa confiansa ta e look cu abo ta hiba tur caminda. Derrel ya ta den Top 10 di Fitness Competition y nos ta desea e representante di Aruba hopi EXITO!
