Jennifer Lopez, ta demostra cu edad ta solamente un number mientras e ta show su pianan tonifica memey di e afirmacionnan cu Ben Affleck ta cla pa propone matrimonio. Jennifer a caba di cumpli 52 aña luna pasa, pero e beyesa naci na Bronx sigur no ta mustra e edad aki. E actriz di The Hustlers a demostra su fans un biaha mas cu el a conserva su aparencia juvenil mientras e ta pose pa un campana nobo di Coach, unda e ta mustra su pianan increiblemente tonifica.
“Going rogue”, e cantante di On The Floor a pone como caption di e potret, mientras e ta referi na e tas nobo Rogue reintroduci di Coach. Jennifer a bisti un shimis color baby blue cu print di flor pa mustra su pianan bon forma danki na su 40 añanan como bailarina. El a añadi sapato di hilchi ‘furry’ cu un hesper di brass y un jas di winter cu e tas nobo bruin di Coach, mientras e ta sinta riba un trapi. Coach a reintroduci su tas Rogue cu un campaña protagonisa pa Jennifer Lopez, Kate Moss, Kōki, Ma Zhe, Lu y Xiao Wen Ju.
