Awe 26 di augustus e famoso cantante mexicana, Thalía, a publica un serie di potret den cual e ta pose den un badpak hunto cu e number 50 traha den blaas. “Happy birthday to me! 50. Y así vivo mi vida ¡sin-cuenta”, e cantante a skirbi riba su rednan social. Thalía su nomber mes ta Ariadna Thalía Sodi Miranda. Su mama a scoge Thalía fascina cu nomber ora el a lesa esaki den un buki di poesia griego.
Thalía a demostra di ta un muhe dibertido y ta busca pa mantene contacto cu su siguidonan, cu e ta gradici pa e exito den su carera artistico y empresarial, manera el a yega di bisa na hopi ocasion. Cu su edad di 50 aña, e tin un carera exitoso di mas di 30 aña y e ta un di e muhenan mas bunita di e medio artistico. Thalía ta exhibi su cintura di 57 centimeter, cu a crea admiracion den su fanaticada y un rumor cu ainda ta circula tocante su figura.
