![](https://focus.aw/wp-content/uploads/2021/09/BRITNEY-ENGAGED-1-1024x683.jpg)
Britney Spears y Sam Asghari a anuncia nan compromiso riba Instagram ayera despues di mas di cuater aña ta date. E cantante y actor cu ta encanta e deporte di fitness, a ser vincula romanticamente pa prome biaha despues di a conoce otro na e set di e video musical ‘Slumber Party’ di Spears na 2016. Spears, di 39 aña, y Asghari, di 27, a comparti e feliz noticia, y manager di Asghari, Brandon Cohen, a comparti un comunicado na People, cu e ta orguyoso pa celebra y confirma e compromiso, y cu Sam a haci e proposicion na cas di e cantante.
![](https://pagesix.com/wp-content/uploads/sites/3/2021/09/britney-spears-engaged-1.jpg?quality=80&strip=all)
![](https://bloximages.newyork1.vip.townnews.com/tulsaworld.com/content/tncms/assets/v3/editorial/4/7a/47a7fe4c-11b0-5b4a-a08f-cf28de09475f/613ef747e4ed7.image.jpg)
“E pareha a haci nan compromiso oficial awe y nan ta profundamente conmovi pa e apoyo, dedicacion y amor cu a keda expresa na nan”, Cohen a declara. El a agrega cu e renchi di Spears ta diseña pa e joyero Roman Malayev di New York. E rumornan cu Spears y Asghari a compromete a cuminsa circula na comienso di e luna aki, despues cu a sorprende Asghari momento e tabata buscando renchi na Cartier. Segun Page Six, e renchi di compromiso ta un diamante de cuatro karaat, cu tin graba e nomber di cariño cu Sam ta yama e cantante: Lioness.
![](https://focus.aw/wp-content/uploads/2021/09/BRITNEY-ENGAGED-t2.jpeg)