Prins Harry y Meghan Markle ta riba portada di e revista TIME den e edicion cu ta revela e personahenan mas influyente di mundo. Mientras cu na Reino Uni nan fama y popularidad ta sigui baha desde e entrevista polemico cu Oprah Winfrey na maart e aña aki, ta mustra cu na Merca e pareha ta sigui ricibi admiracion. Aunke e potretnan hunto cu un perfil di ambos, ya a provoca hopi critica. E fotografo serbio Pari Dukovic, a ser critica tambe bisando cu e trabou di retoca di e potretnan tabata horibel.
Un otro a afirma cu e potret di portada ta refleha e dinamica di poder den e relacion, pasobra Meghan ta dilanti su casa: “Wow, e potret aki ta bisa hopi. No por sconde ken tin e control”. E pareha a laga un mensahe riba e website di Archewell Foundation bisando cu prins Harry y Meghan, duke y dukesa di Sussex, no solamente ta sinti nan honra di ta parti di TIME 100 di e aña aki, sino tambe nan skirbi alabando Dr. Ngozi Okonjo-Iweala, pa ta riba e lista anual di e personanan mas influyente di e publicacion.
