MET GALA 2021: RED CARPET LOOKS

Met Gala, conoci como e Oscar Night di e mundo di moda, generalmente ta cay riba e prome dialuna di mei. Pero e ta bolbe despues di 28 luna desde su ultimo edicion riba e segundo dialuna di september 2021. Un anochi repleto di strea y invitado, cu a haci nan aparicion riba red carpet. Met Gala di e aña aki tabata un homenahe na e evolucion di e moda Mericano, y e organisadonan a bisa cu nan ta celebra e rol di e marcanan di Merca den defensa di sostenibilidad, diversidad y inclusion.

Siman pasa, Rihanna a revela cu e lo ta e anfitrion di e Met Gala after-party, pues tabata hopi probabel cu e lo capta tur atencion riba e anochi aki. Y el a haci esaki tambe! Net na final, Rihanna a aparece bisti completamente den preto pa salba tur hende.  

E yiu muhe di Madonna, Lourdes Leon, a mustra cuero y cabey bou di su cocodek den un Bra Top briyante. E modelo di 24 aña a haci su prome aparicion na Met Gala despues di a aparece riba e cover di september di Vogue. Leon a revela cu e ta cara di Swarovski den e proximo campaña. Segun e marca cu esaki ta sirbi como un plataforma pa representacion di e personanan di tur cultura y orientacion.

Un di e mas extravagantenan tabata Lil Nas X cu manera e estilo di Lady Gaga a revela diferente looks: prome el a presenta cu un capa oro cu tabata cubri tur loke e tabatin abou, ora el a kite, a aparece un harnas oro cu ta tapa di cabes te pia, y su ultimo reveal tabata un body yen di stenchi di cristal cu tononan oro y ocre.

E look di Kim Kardashian tambe tabata un di esnan hopi comenta y a bay viral. E celeb a aparece den un outfit preto di Balenciaga cu tabata cubri di su cara te na su pianan, pero asina mes no tabata imposibel pa no reconoce. Algun dia pasa el a haci haci un look similar riba su Instagram, cu hopi a sospecha cu tabata un pista di loke e ta bay bisti na Met Gala.

Imagennan cortesia: WireImage – Getty Images