E lipnan cu mas volumen? Sigur bo por logra lipnan bunita y cu color danki na e tecnica di microblading. Den e normal nobo hopi hende muhe ta duda prome cu aplica su lipstick preferi, principalmente pa miedo cu e daña full door di e tapaboca. Sali di cas cu un makeup di impacto por converti den un nachtmerrie ora di kita e tapaboca. Esaki a pone cu e tendencia di e procedimentonan cosmetico a bira popular ultimamente, aunke en realidad e tin hopi aña caba cu e ta wordo haci.
E duracion di e procedimento ta aproximadamente un ora y mey, cu un aplicacion di un crema di anestesia, cu ta hacie mucho mas comodo. E recomendacion despues di hacie ta pa evita pa bay den solo e prome dianan despues di e tratamento di microblading, ademas ta recomendabel pa scoge un tono natural, pa logra e miho efecto posibel y claro, bay cerca un experto pa ta sigur cu e resultado final ta locual bo ta spera.
Si bo lipnan ta irita facilmente of ta hopi seco, ta recomendabel pa consulta cu un profesional di beyesa prome cu purba cu e micropigmentacion.
