Travis Barker a bay riba su rudia despues di casi un aña di relacion cu Kourtney Kardashian, y a ‘popped the question’ na The Rosewood Miramar Beach Hotel na Montecito diadomingo rondona pa un cantidad di rosa. Nan dos tabata amigo durante un decada, pero nunca tabata romanticamente envolve, prome di a reuni na comienso di 2021. E camaranan di e reality show nobo Hulu tabata filma mientras e musico di 45 aña a bay riba su rudia y pasa e renchi di compromiso gigante na e dede di Kourtney di 42 aña, cu segun a ser publica ta costa 1 miyon dollar.
Inmediatamente despues di e proposicion, a sigui un dinner pa celebra, cual tambe a ser filma e proximo programa familiar. E ruman muhenan di Kourtney, Kris Jenner, Corey Gamble y e yiunan di Travis, Landon y Alabama, tur a asisti na e dinner na The Rosewood, cu tabata prepara pa e chef Massimo Falsini. Manera tabata di spera tur a come dushi mientras e camaranan tabata draai, y e menu tabatin diferente opcion di pasta, lobster, bacalao y filet. Sin menciona cu e mesa tabata yena completamente cu mas rosa.
