E profesional den relacionnan internacional di 27 aña y ex-Miss Earth Water, a supera e otro candidatanan pa conkista e titulo di Miss Colombia 2021. Valeria Ayos di Cartagena a keda corona ayera nochi den un final briyante na Chamorro City Hall na Bogota. Valeria ta bay representa su pais na Miss Universe na Eilat, Israel na december. E ex-Miss Mundo Colombia y Reina Hispanoamericana 2013, María Alejandra López cu a representa Risaralda a haya e puesto di Prome Finalista, y Franselys Santoya di Bolivar a termina como Segunda Finalista.
Valeria Ayos ta un cara familiar den e mundo di certamen di beyesa. El a representa Colombia den e concurso di Miss Earth 2018 na Filipina y gana e titilo di Miss Earth Water. E tabata pa representa San Andres den e certamen di Miss Universe Colombia 2020, pero e mester a retira di e concurso despues di a test positivo pa Covid-19. Te cu awo Colombia a gana dos biaha, esta na 1958 cu Luz Marina Zulaga y 2014 Paulina Vega.
E paisnan cu mas ganadornan di e titulo di Miss Universe ta na prome luga USA cu un total di 8 victoria, sigui pa Venezuela na di dos luga cu 7 titulo, mientras Puerto Rico ta na di tres luga cu 5 corona. Cu un victoria na Miss Universe 2018, Filipina a ocupa e di cuater luga cu 4 titulo riba Suecia cu tin 3 titulo universal.
