Awe International Alliance of Theatrical Stage Employees (IATSE) Local 44, un sindicato di propmasters, a manda un email na nan miembronan indicando cu e arma uza pa Baldwin, di 68 aña, mientras tabata filma un escena di e pelicula Western, Rust, na e set na New Mexico, tabata contene ‘live bullet’, cu a mata e cinematografo Halyna Hutchins y herida e cineasta Joel Souza. E ‘live bullet’ y esnan blanco ta identico, excepto cu un tin bala real cu tin un proyectil na final cu ora di tira, e ta diseña pa mata hende.
Mientrastanto awe tambe e actor porfin a kibra silencio tocante loke a pasa a traves di varios mensahe, cu el a publica riba su rednan social. “No tin palabra pa transmiti mi shock y tristesa pa e accidente tragico cu Halyna Hutchins a perde su bida, un esposa, mama y colega di nos profundamente admira”, el a skirbi na comienso den su post. “Mi ta cooperando completamente cu e investigacion policial pa investiga con e tragedia aki a pasa y mi ta den contacto con su casa, ofreciendo mi apoyo na dje y na su famia. Mi curason ta kibra pa su casa, su yiu homber, y tur hende cu conoce y stima Halyna”, Alec Baldwin a agrega.
