Desde inicio di e etapa innovativo di Focus Digital Magazine, Geraldine (Dina) Alexander, ta parti di e team den e concepto nobo. Dina durante su carera di 24 aña como bankero, semper a sinti un pasion pa coaching, spiritualidad y e temanan relaciona cu intimidad. El a dedica mas cu 22 aña den inverti pa su crecemento spiritual. Na october 31, 2019 el a haya e oportunidad pa biba su pasion y el a bay en busca di un coach, cu lo por habri e portanan ey, y haci di su pasion su carera nobo. Su deseo ta, pa contribui na Aruba y mundo ta consciente di e importancia di nan intimidad y nan spiritualidad. E dosnan aki ta bay man cu man, pasobra si bo sa ken bo ta… bo bida intimo ta refleha esey.
Den e revista di e luna aki nos Sexinista ta toca e tema ‘e poder berdadero di sex ta divino’. E ta splica cu sex riba su nivel mas abou no ta nada mas cu puro instinto animal. Riba su nivel mas abou, sex ta solamente un impulso biologico, ta un simpel satisfaccion baho di deseo carnal. Sex riba su nivel halto ta un orkesta sinfonico. Sex riba su nivel maximo ta un meditacion. Sex na su maximo ta e encuentro cu e alma universal. Sex na su maximo ta e solucion den e oceano infinito.
Sex na su maximo no ta solamente un sex. Na su maximo, sex ta e union entre dos individuo, cu ta añadi nan energia cu otro na un solo movecion divino y ta vibra riba e mesun frecuencia. Lesa mas di ‘e poder berdadero di sex ta divino’ den edicion di Focus Digital Magazine di november, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet. E revista ta accesibel tambe via www.focus.aw (Click e tab FOCUS DIGITAL riba e menu).
